Штогод 21-22 жніўня ў мястэчку Лагішын каля Пінска адбываюцца ўрачыстасці ў гонар Маці Божай Каралевы Палесся. Да цудадзейнага абраза Багародзіцы прыходзяць шматлікія пешыя пілігрымы, а таксама прыбываюць паломнікі з розных куткоў Пінскай дыяцэзіі, з Беларусі і замежжа.

Сёлета, згодна з традыцыяй, пешыя пілігрымкі ў лагішынскі санктуарый вырушаць 18 жніўня з Бярозы (касцёл Найсвяцейшай Тройцы) і Баранавічаў (касцёл св. Зыгмунта). Жадаючыя далучыцца да пілігрымкі могуць запісацца праз наступныя кантактныя тэлефоны:

1) пілігрымка Баранавічы-Лагішын: +375 29 523 51 53 кс. Павел;
2) пілігрымка Бяроза-Лагішын: + 375 29 790 80 16 кс. Уладзімір.

Фэст у дыяцэзіяльным санктуарыі Каралевы Палесся ў Лагішыне будзе доўжыцца два дні. У вігілію свята Маці Божай Каралевы, 21 жніўня, пілігрымы прыбудуць у санктуарый на малітоўнае чуванне, якое будзе працягвацца ўсю ноч і наступны дзень. 

Пра падрабязнасці праграмы святкавання можна даведацца праз наступныя кантакты: 

+375 29 962 76 58 кс. Тадэвуш
8-0165 32 31 57 дыяцэзіяльная курыя. 
 
Праграма ўрачыстасцяў у Лагішыне

21 жніўня

18.00 — урачысты ўваход пілігрымаў праз велічныя Брамы Міласэрнасці ў санктуарый
18.30–21.00 — адарацыя Найсвяцейшага Сакрамэнту перад цудадзейным абразом Маці Божай, магчымасць споведзі
20.00 — Ружанец і навэнна ў сувязі з падрыхтоўкай да 100-годдзя аб’яўленняў Маці Божай у Фаціме
21.00 — канцэрт і  малітва праслаўлення пад кіраўніцтвам катэдральнага хора з Пінска
22.00 — святая Імша з удзелам пілігрымаў. Падчас Імшы адбудзецца ўрачыстае аднаўленне сакрамэнту хросту з нагоды святкавання Юбілейнага Года Міласэрнасці.
Пасля Імшы:

• малітоўная працэсія са свечкамі вакол санктуарыя Маці Божай
• канцэрт праслаўлення (парафіяльныя музычныя гурты і пілігрымы)
• усяночнае малітоўнае чуванне «Ноч для Пана» перад цудадзейным абразом Маці Божай
• адарацыя Найсвяцейшага Сакрамэнту, магчымасць споведзі і размовы са святаром

22 жніўня

7.30 — Гадзінкі аб Беззаганным Зачацці Найсвяцейшай Панны Марыі
8.00 — святая Імша (на польскай мове) у інтэнцыі пакліканняў да святарскага і манаскага служэння
10.00 — урачыстая святая Імша з удзелам пілігрымаў 
12.00 — благаслаўленне пілігрымаў
12.30 — сустрэча для святароў (Дом міласэрнасці)