Што значыць міласэрнасць у паўсядзённым жыцці настаўніка-католіка? Як выпрошваць яе ў Бога для сябе і сваіх вучняў? Каму і як аказваць міласэрнасць самому? Пошукам адказаў на гэтыя пытанні займаліся ўдзельнікі шостай дыяцэзіяльнай сустрэчы выкладчыкаў, настаўнікаў і выхавацеляў, якая адбылася 24 верасня ў санктуарыі Божай Міласэрнасці ў Воранаве.

 Апостал Божай Міласэрнасці распаўсюджвае культ Божай Міласэрнасці паводле словаў, якія Езус сказаў да святой сястры Фаўстыны: кажы свету пра Маю Міласэрнасць, няхай усё чалавецтва спазнае Маю неспасцігальную міласэрнасць (Дз. 848), умацоўвае чытачоў у веры, вучыць, як даверыцца Богу ў разнастайных жыццёвых сітуацыях, заахвочвае да малітвы.

Лета - час, калі хочацца адкласці ў бок усе справы, клопаты і адпачыць ад штодзённай мітусні. Хтосьці едзе далей ад свайго дома, за мора і акіяны ў пошуках забаў, а хтосьці  ідзе пешшу, каб сустрэцца з Богам. Больш за дзвесце чалавек у гэтым годзе выйшла ў пілігрымку ў санктуарый Маці Божай Валадаркі Палесся ў Лагішын.

Максім Боландзь з Ліды і Павел Казлоўскі з Белаазёрска ў ліку 12 навіцыяў падчас святой Імшы ў Зомбкавіцах  Слёнскіх (Польшча) у Таварыстве Каталіцкага Апостальства атрымалі духоўны строй — сутаны. Урачыстая падзея прайшла 26 жніўня.

21 жніўня ў санктуарыі ў Лагішыне распачаліся ўрачыстасці ў гонар Маці Божай Лагішынскай, Каралевы Палесся. У гэты дзень у санктуарый прыбылі ўдзельнікі пешых пілігрымак.